mohabbat hui to guman ho raha hai meri zindagi mein tumhaari kami thi

mohabbat huī to gumāñ ho rahā hai mirī zindagī meñ tumhārī kamī thī

nigāhoñ se qissa bayāñ ho rahā hai mirī zindagī meñ tumhārī kamī thī

piyā jo dikhā do vahī merī duniyā sanam jo kaho tum vo hañs ke karūñgī

yahī qaul dil kī zabāñ ho rahā hai mirī zindagī meñ tumhārī kamī thī

ḳhud hī hañs rahā huuñ ḳhud hī ro rahā huuñ yaqīñ ho chalā hai tumhārā huā huuñ

huā jo nahīñ thā yahāñ ho rahā hai mirī zindagī meñ tumhārī kamī thī

ḳhayāloñ meñ mere tumhī bas ga.e ho mirī ruuh Tak meñ tumhī rach ga.e ho

mirā dil tumhārā makāñ ho rahā hai mirī zindagī meñ tumhārī kamī thī

mirī raah meñ shaam kī talḳhiyāñ thiiñ ye pur-kaif rāteñ kahāñ par nihāñ thiiñ

añdherā ajab kahkashāñ ho rahā hai mirī zindagī meñ tumhārī kamī thī

maiñ 'e.ajāz' anmol ash.ār kah kar ġhazal likh rahā huuñ tumheñ yaar kah kar

mirā har suḳhan shādmāñ ho rahā hai mirī zindagī meñ tumhārī kamī thī

mohabbat hui to guman ho raha hai meri zindagi mein tumhaari kami thi

nigahon se qissa bayan ho raha hai meri zindagi mein tumhaari kami thi

piya jo dikha do wahi meri duniya sanam jo kaho tum wo hans ke karungi

yahi qaul dil ki zaban ho raha hai meri zindagi mein tumhaari kami thi

KHud hi hans raha hun KHud hi ro raha hun yaqin ho chala hai tumhaara hua hun

hua jo nahin tha yahan ho raha hai meri zindagi mein tumhaari kami thi

KHayalon mein mere tumhi bas gae ho meri ruh Tak mein tumhi rach gae ho

mera dil tumhaara makan ho raha hai meri zindagi mein tumhaari kami thi

meri rah mein sham ki talKHiyan thin ye pur-kaif raaten kahan par nihan thin

andhera ajab kahkashan ho raha hai meri zindagi mein tumhaari kami thi

main 'eajaz' anmol ashaar kah kar ghazal likh raha hun tumhein yar kah kar

mera har suKHan shadman ho raha hai meri zindagi mein tumhaari kami thi