mohabbat ibtida hai har KHabar ki

mohabbat ibtidā hai har ḳhabar kī

mohabbat intihā hai har nazar kī

mohabbat raushnī qalb-o-jigar kī

mohabbat aabrū hai chashm-e-tar kī

mohabbat ne farishtoñ ko jhukāyā

mohabbat se baḌhī vaq.at bashar kī

mohabbat zulmat-e-shab kī tamanna

mohabbat aarzū nūr-e-sahar kī

mohabbat partav-e-nūr-e-azal hai

mohabbat raushnī hai har nazar kī

mohabbat ik musalsal dard-e-sar hai

mohabbat hī davā hai dard-e-sar kī

mohabbat aa.ina hai lafz-e-kun kā

mohabbat hai nazar ā.īna-gar kī

'munīr' is dil ke parde meñ mohabbat

tajallī hai ḳhudā-e-bahr-o-bar kī

mohabbat ibtida hai har KHabar ki

mohabbat intiha hai har nazar ki

mohabbat raushni qalb-o-jigar ki

mohabbat aabru hai chashm-e-tar ki

mohabbat ne farishton ko jhukaya

mohabbat se baDhi waqat bashar ki

mohabbat zulmat-e-shab ki tamanna

mohabbat aarzu nur-e-sahar ki

mohabbat partaw-e-nur-e-azal hai

mohabbat raushni hai har nazar ki

mohabbat ek musalsal dard-e-sar hai

mohabbat hi dawa hai dard-e-sar ki

mohabbat aaina hai lafz-e-kun ka

mohabbat hai nazar aaina-gar ki

'munir' is dil ke parde mein mohabbat

tajalli hai KHuda-e-bahr-o-bar ki