mohabbat jag uTThi rag rag mein armanon ko nind aai

mohabbat jaag uTThī rag rag meñ armānoñ ko niiñd aa.ī

haqīqat ne naqāb ulTī to afsānoñ ko niiñd aa.ī

chhalaktī hī rahī mai daur chaltā hī rahā lekin

rukī gardish un āñkhoñ kī to paimānoñ ko niiñd aa.ī

bichhe the phuul bhī har moḌ par fasl-e-bahārāñ meñ

magar i to kāñToñ par hī dīvānoñ ko niiñd aa.ī

sar-e-mahfil rahā ik ratjage kā sā samāñ shab bhar

palak jhapkī na sham.oñ kī na parvānoñ ko niiñd aa.ī

tajallī thī na tābānī tasavvur thā na partav thā

tire jaate hī saare ā.īna-ḳhānoñ ko niiñd aa.ī

mohabbat thī farozāñ dard kā ehsās thā jab tak

huī insāniyat ruḳhsat to insānoñ ko niiñd aa.ī

shab hijrāñ kā sannāTā hai taarī band haiñ āñkheñ

ye maut i ki tere soḳhta-jānoñ ko niiñd aa.ī

musalsal ishq meñ aalam rahā shab-zinda-dārī kā

sar-e-maqtal pahuñch kar tere dīvānoñ ko niiñd aa.ī

ghanī hai kis qadar chhāñv 'ziyā' kufr-e-mohabbat kī

magar is chhāñv meñ kitne hī īmānoñ ko niiñd aa.ī

mohabbat jag uTThi rag rag mein armanon ko nind aai

haqiqat ne naqab ulTi to afsanon ko nind aai

chhalakti hi rahi mai daur chalta hi raha lekin

ruki gardish un aankhon ki to paimanon ko nind aai

bichhe the phul bhi har moD par fasl-e-bahaaran mein

magar i to kanTon par hi diwanon ko nind aai

sar-e-mahfil raha ek ratjage ka sa saman shab bhar

palak jhapki na shamon ki na parwanon ko nind aai

tajalli thi na tabani tasawwur tha na partaw tha

tere jate hi sare aaina-KHanon ko nind aai

mohabbat thi farozan dard ka ehsas tha jab tak

hui insaniyat ruKHsat to insanon ko nind aai

shab hijran ka sannaTa hai tari band hain aankhen

ye maut i ki tere soKHta-jaanon ko nind aai

musalsal ishq mein aalam raha shab-zinda-dari ka

sar-e-maqtal pahunch kar tere diwanon ko nind aai

ghani hai kis qadar chhanw 'ziya' kufr-e-mohabbat ki

magar is chhanw mein kitne hi imanon ko nind aai