mohabbat ka gulshan sajaane lage hain

mohabbat kā gulshan sajāne lage haiñ

ham apnī vafā ko nibhāne lage haiñ

uThī thī jo dīvār nafrat kī dil meñ

use rafta rafta girāne lage haiñ

jhukā kar jo nazreñ the ḳhamosh baiThe

vahī dard apnā batāne lage haiñ

jinheñ pyaar ke phuul ham ne the bheje

vahī dil pe ḳhanjar chalāne lage haiñ

ḳhabar jin ko aiboñ kī apne nahīñ hai

vahī mujh pe tohmat lagāne lage haiñ

unheñ kah rahā hai zamānā ye joker

jo ro kar ke sab ko hañsāne lage haiñ

mile haiñ vo jab se 'musāfir' na jaane

mujhe dekh kar muskurāne lage haiñ

mohabbat ka gulshan sajaane lage hain

hum apni wafa ko nibhane lage hain

uThi thi jo diwar nafrat ki dil mein

use rafta rafta girane lage hain

jhuka kar jo nazren the KHamosh baiThe

wahi dard apna batane lage hain

jinhen pyar ke phul hum ne the bheje

wahi dil pe KHanjar chalane lage hain

KHabar jin ko aibon ki apne nahin hai

wahi mujh pe tohmat lagane lage hain

unhen kah raha hai zamana ye joker

jo ro kar ke sab ko hansane lage hain

mile hain wo jab se 'musafir' na jaane

mujhe dekh kar muskurane lage hain