محبت کا کسی صورت کوئی پہلو نہیں نکلے

محبت کا کسی صورت کوئی پہلو نہیں نکلے

سیاست چاہتی ہے پھول سے خوشبو نہیں نکلے

سنا ہے درد گھٹ جاتا ہے جب انسان روتا ہے

مگر وہ کیا کریں جس کے کبھی آنسو نہیں نکلے

نہ جانے مصلحت کی کون سی چادر میں لپٹے ہیں

اندھیرا بڑھ گیا لیکن ابھی جگنو نہیں نکلے

محبت کے مسافر کو ترستی ہی رہی بستی

کبھی صوفی نہیں نکلے کبھی سادھو نہیں نکلے

تھکن سے چور ہو کر گر گیا بستر پہ میں اپنے

مگر اب تک تری تصویر سے بازو نہیں نکلے