mohabbat karne walon ki inayat bhi zaruri hai

mohabbat karne vāloñ kī ināyat bhī zarūrī hai

jo hai sachchī mohabbat to sadāqat bhī zarūrī hai

musalmāñ ho ki hindū ho yahūdī ho ki īsā.ī

ḳhudā ke ek ik bande pe taa.at bhī zarūrī hai

gunah koī agar ho jaa.e tum se jaane anjāne

bahānā ashk tum behad nadāmat bhī zarūrī hai

ḳhudā kā vāsta zālim ko de kar pahle samjhāo

jo na maane kisī se to adāvat bhī zarūrī hai

zamāne bhar ke shoboñ meñ sabaq īmān kā denā

agar hai surḳh-rū honā sadāqat bhī zarūrī hai

nikal aao ġham-e-zabt-e-alam se aaj phir 'yāsīn'

mazālim Dhāne vāloñ se baġhāvat bhī zarūrī hai

mohabbat karne walon ki inayat bhi zaruri hai

jo hai sachchi mohabbat to sadaqat bhi zaruri hai

musalman ho ki hindu ho yahudi ho ki isai

KHuda ke ek ek bande pe taat bhi zaruri hai

gunah koi agar ho jae tum se jaane anjaane

bahana ashk tum behad nadamat bhi zaruri hai

KHuda ka wasta zalim ko de kar pahle samjhao

jo na mane kisi se to adawat bhi zaruri hai

zamane bhar ke shobon mein sabaq iman ka dena

agar hai surKH-ru hona sadaqat bhi zaruri hai

nikal aao gham-e-zabt-e-alam se aaj phir 'yasin'

mazalim Dhane walon se baghawat bhi zaruri hai