mohabbat ke jaziron mein daraDen aa gai hain
mohabbat ke jazīroñ meñ darāḌeñ aa ga.ī haiñ
zamīn-e-dil kī rāhoñ meñ darāḌeñ aa ga.ī haiñ
'imārat TuuT kar girne hī vaalī hai ġhazal kī
suḳhan-sāzoñ ke misroñ meñ darāḌeñ aa ga.ī haiñ
hasad ke ek dam uThte hue tūfāñ ke bā'is
zamīñ vāloñ ke rishtoñ meñ darāḌeñ aa ga.ī haiñ
hue jab fikr meñ shāmil ka.ī ġhairoñ kī bāteñ
na.ī nasloñ kī sochoñ meñ darāḌeñ aa ga.ī haiñ
gumān-e-ḳhushnumā is vāste achchhā lagā hai
yaqīñ vāloñ kī bātoñ meñ darāḌeñ aa ga.ī haiñ
mohabbat ke jaziron mein daraDen aa gai hain
zamin-e-dil ki rahon mein daraDen aa gai hain
'imarat TuT kar girne hi wali hai ghazal ki
suKHan-sazon ke misron mein daraDen aa gai hain
hasad ke ek dam uThte hue tufan ke ba'is
zamin walon ke rishton mein daraDen aa gai hain
hue jab fikr mein shamil kai ghairon ki baaten
nai naslon ki sochon mein daraDen aa gai hain
guman-e-KHushnuma is waste achchha laga hai
yaqin walon ki baaton mein daraDen aa gai hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
