محبت ختم ہے لیکن ابھی رشتہ نہیں ٹوٹا

محبت ختم ہے لیکن ابھی رشتہ نہیں ٹوٹا

کہ جتنا ٹوٹنا تھا دل ابھی اتنا نہیں ٹوٹا

ہماری روح کو مہمان بن کے کھا گئی دیمک

ہمیں حیرانگی ہے پھر بھی یہ ڈھانچہ نہیں ٹوٹا

کھلونا تھا مگر تم نے مجھے دل سے لگایا تھا

تمہاری اس مروت سے مرا کیا کیا نہیں ٹوٹا

تمہاری بے رخی سے یوں تو ہر دم چوٹ لگتی ہے

ہمارے دل کا لیکن آج تک شیشہ نہیں ٹوٹا

عبادت آج جیسی پھر کبھی اب ہو نہ پائے گی

گرا جو شادؔ سجدے میں تو پھر سجدہ نہیں ٹوٹا