mohabbat ki main zindagi ban gaya hun

mohabbat kī maiñ zindagī ban gayā huuñ

zahe be-ḳhudī be-ḳhudī ban gayā huuñ

mohabbat kā har rang dekhā hai maiñ ne

kabhī miT gayā huuñ kabhī ban gayā huuñ

'ajab haal meñ huuñ mirā pūchhnā kyā

tumhāre laboñ par hañsī ban gayā huuñ

mirā chāk-e-dāman na dekho na dekho

jo tum chāhte the vahī ban gayā huuñ

maiñ har saañs meñ zikr kartā huuñ terā

sarāpā maiñ ḳhud bandagī ban gayā huuñ

vo nazreñ milīñ vo koī muskurāyā

abhī miT gayā thā abhī ban gayā huuñ

mohabbat huuñ maiñ hai mujhī se ujālā

kisī ke liye raushnī ban gayā huuñ

miTāne chalā huuñ maiñ 'bahzād' diiñ bhī

mohabbat meñ aisā saḳhī ban gayā huuñ

mohabbat ki main zindagi ban gaya hun

zahe be-KHudi be-KHudi ban gaya hun

mohabbat ka har rang dekha hai main ne

kabhi miT gaya hun kabhi ban gaya hun

'ajab haal mein hun mera puchhna kya

tumhaare labon par hansi ban gaya hun

mera chaak-e-daman na dekho na dekho

jo tum chahte the wahi ban gaya hun

main har sans mein zikr karta hun tera

sarapa main KHud bandagi ban gaya hun

wo nazren milin wo koi muskuraya

abhi miT gaya tha abhi ban gaya hun

mohabbat hun main hai mujhi se ujala

kisi ke liye raushni ban gaya hun

miTane chala hun main 'bahzad' din bhi

mohabbat mein aisa saKHi ban gaya hun