mohabbat ko jo zahir kar rahi hai

mohabbat ko jo zāhir kar rahī hai

mire chehre pe vo tahrīr bhī hai

huiiñ sadiyāñ nazar ke zalzaloñ ko

abhī tak shahr kī hālat vahī hai

ujāgar jab bhī us ke ġham hue haiñ

na.e ruḳh se ġhazal maiñ ne kahī hai

agar gahrā nahīñ hai zaḳhm-e-ehsās

hamāre sochne meñ kuchh kamī hai

havā-e-zulm ke jhoñke idhar bhī

mire dil meñ bhī shauq-e-āgahī hai

tire anjān bhī tere shanāsā

hamārā āshnā bhī ajnabī hai

maiñ tere zulm kā radd-e-amal huuñ

mirā paiġhām sulh-o-āshtī hai

kahāvat ban chukī hai jis kī vahshat

'nazar' hī ek aisā aadmī hai

mohabbat ko jo zahir kar rahi hai

mere chehre pe wo tahrir bhi hai

huin sadiyan nazar ke zalzalon ko

abhi tak shahr ki haalat wahi hai

ujagar jab bhi us ke gham hue hain

nae ruKH se ghazal main ne kahi hai

agar gahra nahin hai zaKHm-e-ehsas

hamare sochne mein kuchh kami hai

hawa-e-zulm ke jhonke idhar bhi

mere dil mein bhi shauq-e-agahi hai

tere anjaan bhi tere shanasa

hamara aashna bhi ajnabi hai

main tere zulm ka radd-e-amal hun

mera paigham sulh-o-ashti hai

kahawat ban chuki hai jis ki wahshat

'nazar' hi ek aisa aadmi hai