محبت کیا صلیب زندگی ہے
دل رسوا کا حاصل خودکشی ہے
خود اپنی خواہشوں کے آستاں پر
پریشاں حال کتنا آدمی ہے
شب دیر و حرم سے میکدے تک
مرے ہی آنسوؤں کی روشنی ہے
پلائی عمر بھر ساقی نے لیکن
مری قسمت میں اب تک تشنگی ہے
ہم اپنے آپ کے قاتل بنے ہیں
یہ کس تہذیب کی جادوگری ہے
سنو آواز تم میرے لہو کی
یہی تو راز حسن شاعری ہے
خفا ہے ان دنوں راہیؔ سے منزل
اگرچہ خوب تیری رہبری ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
