mohabbat kya salib-e-zindagi hai

mohabbat kyā salīb-e-zindagī hai

dil-e-rusvā kā hāsil ḳhud-kushī hai

ḳhud apnī ḳhvāhishoñ ke āstāñ par

pareshāñ-hāl kitnā aadmī hai

shab-e-dair-o-haram se mai-kade tak

mire hī āñsuoñ kī raushnī hai

pilā.ī umr-bhar saaqī ne lekin

mirī qismat meñ ab tak tishnagī hai

ham apne aap ke qātil bane haiñ

ye kis tahzīb kī jādūgarī hai

suno āvāz tum mere lahū kī

yahī to raaz husn-e-shā.irī hai

ḳhafā hai in dinoñ 'rāhī' se manzil

agarche ḳhuub terī rahbarī hai

mohabbat kya salib-e-zindagi hai

dil-e-ruswa ka hasil KHud-kushi hai

KHud apni KHwahishon ke aastan par

pareshan-haal kitna aadmi hai

shab-e-dair-o-haram se mai-kade tak

mere hi aansuon ki raushni hai

pilai umr-bhar saqi ne lekin

meri qismat mein ab tak tishnagi hai

hum apne aap ke qatil bane hain

ye kis tahzib ki jadugari hai

suno aawaz tum mere lahu ki

yahi to raaz husn-e-shairi hai

KHafa hai in dinon 'rahi' se manzil

agarche KHub teri rahbari hai