mohabbat mein dilon ka aazmana saKHt mushkil hai

mohabbat meñ diloñ kā āzmānā saḳht mushkil hai

rah-e-'ushshāq par ḳhud ko chalānā saḳht mushkil hai

bhulā duuñ maiñ tumheñ kaise bhulānā saḳht mushkil hai

tumhārī yaad ko dil se miTānā saḳht mushkil hai

zamīn-e-'ishq par hai ek hī mausam ḳhizāñ jaisā

yahāñ par gul umīdoñ ke khilānā saḳht mushkil hai

sulagte haiñ dil-e-‘ushshāq rātoñ meñ zamistāñ kī

ab in sho'loñ ko ashkoñ se bujhānā saḳht mushkil hai

rukī jaatī haiñ sāñseñ dil thamā jaatā hai siine meñ

ki āñkhoñ se lahū dil kā bahānā saḳht mushkil hai

hujūm-e-sarfaroshāñ dekh kar hairān haiñ 'jā'far'

jo kahte the ki logoñ ko jagānā saḳht mushkil hai

taġhayyur ko baqā honā bhī ik maz.har hai fitrat kā

ḳhizāñ-dīda chaman se dil lagānā saḳht mushkil hai

tasādum dekh kar afkār-e-nau kā jahl-e-daurāñ se

suḳhan raushan-ḳhayālī kā sunānā saḳht mushkil hai

mohabbat kī tamāzat se ḳhizāñ-manzar jo āñkheñ hoñ

vahāñ duniyā ḳhayāloñ kī basānā saḳht mushkil hai

adab ke baab meñ jo vaqt hai thoḌā sā dāman meñ

inhī lamhoñ se kuchh lamhe churānā saḳht mushkil hai

sitamgar bād-e-sarsar ke liye har daur meñ 'jā'far'

charāġh-e-dānish-e-daurāñ bujhānā saḳht mushkil hai

mohabbat mein dilon ka aazmana saKHt mushkil hai

rah-e-'ushshaq par KHud ko chalana saKHt mushkil hai

bhula dun main tumhein kaise bhulana saKHt mushkil hai

tumhaari yaad ko dil se miTana saKHt mushkil hai

zamin-e-'ishq par hai ek hi mausam KHizan jaisa

yahan par gul umidon ke khilana saKHt mushkil hai

sulagte hain dil-e-‘ushshaq raaton mein zamistan ki

ab in sho'lon ko ashkon se bujhana saKHt mushkil hai

ruki jati hain sansen dil thama jata hai sine mein

ki aankhon se lahu dil ka bahana saKHt mushkil hai

hujum-e-sarfaroshan dekh kar hairan hain 'ja'far'

jo kahte the ki logon ko jagana saKHt mushkil hai

taghayyur ko baqa hona bhi ek mazhar hai fitrat ka

KHizan-dida chaman se dil lagana saKHt mushkil hai

tasadum dekh kar afkar-e-nau ka jahl-e-dauran se

suKHan raushan-KHayali ka sunana saKHt mushkil hai

mohabbat ki tamazat se KHizan-manzar jo aankhen hon

wahan duniya KHayalon ki basana saKHt mushkil hai

adab ke bab mein jo waqt hai thoDa sa daman mein

inhi lamhon se kuchh lamhe churana saKHt mushkil hai

sitamgar baad-e-sarsar ke liye har daur mein 'ja'far'

charagh-e-danish-e-dauran bujhana saKHt mushkil hai