mohabbat mere jine ka sahaara ho to achchha hai

mohabbat mere jiine kā sahārā ho to achchhā hai

ye dil un kī nigāhoñ kā nazāra ho to achchhā hai

bazāhir to mulāqāteñ tumhārī ham se hotī haiñ

tumhārā har ghaḌī ham ko ishāra ho to achchhā hai

badal jaa.eñ jo ik pal meñ kabhī bhī raas na aa.eñ

to aise dostoñ se bhī kināra ho to achchhā hai

hamāre jaise the ahbāb jaisī un kī bāteñ thiiñ

hamārā bhī unhīñ jaisā nazāra ho to achchhā hai

ham apne dushmanoñ ko bhī sadā ḳhush-hāl rakhte haiñ

hamārā chāhe ġhurbat meñ guzārā ho to achchhā hai

mohabbat aisī shai hai jis ko ham kuchh kah nahīñ sakte

phir is ke badle meñ chāhe ḳhasāra ho to achchhā hai

vafā kī raah par 'minhāj' chalte jā.eñge lekin

bulandī par muqaddar kā sitāra ho to achchhā hai

mohabbat mere jine ka sahaara ho to achchha hai

ye dil un ki nigahon ka nazara ho to achchha hai

bazahir to mulaqaten tumhaari hum se hoti hain

tumhaara har ghaDi hum ko ishaara ho to achchha hai

badal jaen jo ek pal mein kabhi bhi ras na aaen

to aise doston se bhi kinara ho to achchha hai

hamare jaise the ahbab jaisi un ki baaten thin

hamara bhi unhin jaisa nazara ho to achchha hai

hum apne dushmanon ko bhi sada KHush-haal rakhte hain

hamara chahe ghurbat mein guzara ho to achchha hai

mohabbat aisi shai hai jis ko hum kuchh kah nahin sakte

phir is ke badle mein chahe KHasara ho to achchha hai

wafa ki rah par 'minhaj' chalte jaenge lekin

bulandi par muqaddar ka sitara ho to achchha hai