mohabbat nae rang dikhla rahi hai

mohabbat na.e rang dikhlā rahī hai

ġhamoñ se ḳhushī kī mahak aa rahī hai

mohabbat unheñ ab mirī bhā rahī hai

ki achchhe dinoñ kī ḳhabar aa rahī hai

mohabbat hī ban kar ba-rang-e-‘ibādat

qarīb-e-ḳhudā ham ko pahuñchā rahī hai

mohabbat zarūrat hai duniyā kī lekin

vo merī mohabbat ko Thukrā rahī hai

koī daur ho dosto saarī duniyā

hamārī vafā se shanāsā rahī hai

rah-e-‘āshiqī meñ baḌī muddatoñ tak

mirī zindagī bhī tamāsha rahī hai

hameñ kah diyā bevafā kaise tum ne

ye duniyā hamārī qasam khā rahī hai

marīz-e-mohabbat hai kis ke havāle

na tum aa rahe ho na maut aa rahī hai

mirī ḳhasta hālat pe sau baar afsos

'adīb' aap ko bhī hañsī aa rahī hai

mohabbat nae rang dikhla rahi hai

ghamon se KHushi ki mahak aa rahi hai

mohabbat unhen ab meri bha rahi hai

ki achchhe dinon ki KHabar aa rahi hai

mohabbat hi ban kar ba-rang-e-‘ibaadat

qarib-e-KHuda hum ko pahuncha rahi hai

mohabbat zarurat hai duniya ki lekin

wo meri mohabbat ko Thukra rahi hai

koi daur ho dosto sari duniya

hamari wafa se shanasa rahi hai

rah-e-‘ashiqi mein baDi muddaton tak

meri zindagi bhi tamasha rahi hai

hamein kah diya bewafa kaise tum ne

ye duniya hamari qasam kha rahi hai

mariz-e-mohabbat hai kis ke hawale

na tum aa rahe ho na maut aa rahi hai

meri KHasta haalat pe sau bar afsos

'adib' aap ko bhi hansi aa rahi hai