mohabbat ne kya kya na aanen nikalin

mohabbat ne kyā kyā na aaneñ nikālīñ

ki tār-e-qalam ne zabāneñ nikālīñ

huā haath us kā lahū se hinā.ī

zi-bas us ne kushtoñ kī jāneñ nikālīñ

vo laḌkā thā jab tak ye saj-dhaj kahāñ thī

javāñ hote hī us ne shāneñ nikālīñ

lagā tiir sā aa ke 'mānī' ke dil par

jab in abruoñ kī kamāneñ nikālīñ

shubah kā gumāñ thā na yāroñ ko jis jā

maiñ vaañ la.al o gauhar kī kāneñ nikālīñ

phisal hī gayā kilk-e-tasvīr-e-'mānī'

kamar khīñch kar jūñhī rāneñ nikālīñ

zahe kilk-e-san.at ki jis ne zamīñ par

bahāreñ banā.īñ ḳhazāneñ nikālīñ

galā Dok meñ garche thā 'mus.hafī' kā

par us par bhī do-chār tāneñ nikālīñ

mohabbat ne kya kya na aanen nikalin

ki tar-e-qalam ne zabanen nikalin

hua hath us ka lahu se hinai

zi-bas us ne kushton ki jaanen nikalin

wo laDka tha jab tak ye saj-dhaj kahan thi

jawan hote hi us ne shanen nikalin

laga tir sa aa ke 'mani' ke dil par

jab in abruon ki kamanen nikalin

shubah ka guman tha na yaron ko jis ja

main wan lal o gauhar ki kanen nikalin

phisal hi gaya kilk-e-taswir-e-'mani'

kamar khinch kar junhi ranen nikalin

zahe kilk-e-sanat ki jis ne zamin par

bahaaren banain KHazanen nikalin

gala Dok mein garche tha 'mushafi' ka

par us par bhi do-chaar tanen nikalin