mohabbat phir mohabbat phir mohabbat phir mohabbat hai

mohabbat phir mohabbat phir mohabbat phir mohabbat hai

jahāñ ye silsila TuuTā samajh lenā qayāmat hai

amā sīkho zarā ham se mohabbat kaise karte haiñ

use jis se mohabbat hai hameñ us se mohabbat hai

ye titlī phuul ḳhushbū kyā koī saanī nahīñ us kā

tumheñ kaise batā.ūñ maiñ vo kitnī ḳhūbsūrat hai

yahī ik baat ab donoñ kī peshānī pe likkhī hai

mujhe terī zarūrat hai mujhe terī zarūrat hai

mohabbat hī diloñ kā qibla-e-avval hai āḳhir bhī

musalsal do diloñ kā rū-ba-rū rahnā ibādat hai

mohabbat naam ke us shaḳhs ko ham se koī pūchhe

vafā poshāk aur saada mizājī jis kī rangat hai

ḳhudā ne anginat chehre banā.e hoñge duniyā meñ

mirī āñkhoñ meñ 'kāshif' aaj tak bas ek sūrat hai

mohabbat phir mohabbat phir mohabbat phir mohabbat hai

jahan ye silsila TuTa samajh lena qayamat hai

ama sikho zara hum se mohabbat kaise karte hain

use jis se mohabbat hai hamein us se mohabbat hai

ye titli phul KHushbu kya koi sani nahin us ka

tumhein kaise bataun main wo kitni KHubsurat hai

yahi ek baat ab donon ki peshani pe likkhi hai

mujhe teri zarurat hai mujhe teri zarurat hai

mohabbat hi dilon ka qibla-e-awwal hai aaKHir bhi

musalsal do dilon ka ru-ba-ru rahna ibaadat hai

mohabbat nam ke us shaKHs ko hum se koi puchhe

wafa poshak aur sada mizaji jis ki rangat hai

KHuda ne anginat chehre banae honge duniya mein

meri aankhon mein 'kashif' aaj tak bas ek surat hai