محبت رنگ لاتی ہے صنم جب دم نکلتا ہے

محبت رنگ لاتی ہے صنم جب دم نکلتا ہے

ضرورت پر کسی معصوم کے زمزم نکلتا ہے

یہاں آباد کیڑوں کی ہیں نسلیں بھی بہت ساری

کہاں ہر ایک کیڑے سے مگر ریشم نکلتا ہے

یہاں آنے کا مطلب بس نہیں جینا جہاں والو

کسی دن مر کے دنیا سے بنی آدم نکلتا ہے

کسی نے میری غزلوں کو کیا ہے آج کاپی پیسٹ

کہو شاعر کے سینے سے کبھی یہ غم نکلتا ہے

مجھے لگتا ہے احمدؔ کی طبیعت ہی نہیں لگتی

تبھی تو آج کل باہر وہ گھر سے کم نکلتا ہے