mohabbaton ka kaho ab KHayal kitna hai
mohabbatoñ kā kaho ab ḳhayāl kitnā hai
mirī judā.ī kā tum ko malāl kitnā hai
ye tere ba.ad khulā ai visāl-e-shahr-e-ḳhayāl
ki tere shahr meñ jiinā muhāl kitnā hai
maiñ TuuT phuuT ke ḳhud hī sañvartā rahtā huuñ
mire ḳhudā tirā is meñ kamāl kitnā hai
milā nahīñ koī aisā ki jis ke saath raho
'salīm' shahr meñ qaht-ur-rijāl kitnā hai
mohabbaton ka kaho ab KHayal kitna hai
meri judai ka tum ko malal kitna hai
ye tere baad khula ai visal-e-shahr-e-KHayal
ki tere shahr mein jina muhaal kitna hai
main TuT phuT ke KHud hi sanwarta rahta hun
mere KHuda tera is mein kamal kitna hai
mila nahin koi aisa ki jis ke sath raho
'salim' shahr mein qaht-ur-rijal kitna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
