mohabbaton mein hisab hoga ye tai kahan tha
mohabbatoñ meñ hisāb hogā ye tai kahāñ thā
har ek lamha azaab hogā ye tai kahāñ thā
ye tai huā thā vafā kī sham.a jalā karegī
añdherā ham pe itaab hogā ye tai kahāñ thā
ḳhizāñ na aa.egī zindagī meñ kabhī hamārī
udaas belā gulāb hogā ye tai kahāñ thā
hamārī nazreñ savāl ban kar uThā kareñgī
sukūt-e-lab par javāb hogā ye tai kahāñ thā
yaqīñ dilāyā thā saath mil kar rahā karoge
ki beach apne chanāb hogā ye tai kahāñ thā
azaab hoñgī palak jhapakne talak kī duurī
visāl apnā bhī ḳhvāb hogā ye tai kahāñ thā
ye phuul ban kar mahak uTheñge ḳhayāl mere
mizāj itnā ḳharāb hogā ye tai kahāñ thā
mujhe pukāreñge to kaheñge ḳhushī milegī
ki naam apnā janāb hogā ye tai kahāñ thā
mohabbaton mein hisab hoga ye tai kahan tha
har ek lamha azab hoga ye tai kahan tha
ye tai hua tha wafa ki shama jala karegi
andhera hum pe itab hoga ye tai kahan tha
KHizan na aaegi zindagi mein kabhi hamari
udas bela gulab hoga ye tai kahan tha
hamari nazren sawal ban kar uTha karengi
sukut-e-lab par jawab hoga ye tai kahan tha
yaqin dilaya tha sath mil kar raha karoge
ki beach apne chanab hoga ye tai kahan tha
azab hongi palak jhapakne talak ki duri
visal apna bhi KHwab hoga ye tai kahan tha
ye phul ban kar mahak uThenge KHayal mere
mizaj itna KHarab hoga ye tai kahan tha
mujhe pukarenge to kahenge KHushi milegi
ki nam apna janab hoga ye tai kahan tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
