mohabbaton mein to saudagari nahin hoti
mohabbatoñ meñ to saudāgarī nahīñ hotī
dil-e-nihāl meñ lālach bharī nahīñ hotī
harīm-e-ġhaib kā parda nahīñ uThā saktā
ab is qadar bhī nazar-parvarī nahīñ hotī
ham ahl-e-hijr pe hijrat kī had na jaarī kar
ki be-gharoñ kī sazā be-gharī nahīñ hotī
bahār baaġh meñ aatī nahīñ kabhī ik dam
har ek shāḳh achānak harī nahīñ hotī
maiñ aadmī huuñ farishta nahīñ to hairat kyā
kisī kī mujh se agar muḳhbirī nahīñ hotī
ye aur baat ki ho muḳhtasar magar 'āsim'
hamārī baat kabhī sarsarī nahīñ hotī
mohabbaton mein to saudagari nahin hoti
dil-e-nihaal mein lalach bhari nahin hoti
harim-e-ghaib ka parda nahin uTha sakta
ab is qadar bhi nazar-parwari nahin hoti
hum ahl-e-hijr pe hijrat ki had na jari kar
ki be-gharon ki saza be-ghari nahin hoti
bahaar bagh mein aati nahin kabhi ek dam
har ek shaKH achanak hari nahin hoti
main aadmi hun farishta nahin to hairat kya
kisi ki mujh se agar muKHbiri nahin hoti
ye aur baat ki ho muKHtasar magar 'asim'
hamari baat kabhi sarsari nahin hoti
- Book : Lafz Mehfooz Kar Liye Jaayen (Pg. 139)
- Author : Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
