mohtaj nahin qafila aawaz-e-dara ka

mohtāj nahīñ qāfila āvāz-e-darā kā

sīdhī hai rah-e-but-kada ehsān ḳhudā kā

gar hai sar-e-daryuza-e-faiz ahl-e-nazar se

ho rāh-nashīñ marhala-e-faqr fanā kā

ḳhush-nūdī-e-ma.ashūq hai ranjūr hai āshiq

be-dard hai vo ḳhasta ki le naam davā kā

is baaġh kī nik.hat kā huuñ mushtāq ki ho jaa.e

jaate hue dam band jahāñ bād-e-sabā kā

koī nahīñ kahtā ki ye kis kā hai karishma

ik shor hai iisā ke dam-e-rūh-fazā kā

jhāḌeñ tire ushshāq use gard samajh kar

paḌ jaa.e agar sar pe kabhī saaya humā kā

tan fart-e-latāfat se ho jab rūh-e-mujassam

kyā zor chale kashmakash-e-band-e-qabā kā

kab kālbud-e-ḳhāk meñ ho itnī nazākat

jo but hai vo putlā hai magar nāz-o-adā kā

yuuñ qatl kare ġhamza-e-dildār kaheñ kyā

jauhar na kaheñ gar mizha ki teġh-e-qazā kā

kyā daane kī ḳhvāhish ki hai tāsīr ki jis se

hotā hai guzar daam meñ murġhān-e-havā kā

asrār haqīqat kā ho ash.ār meñ shāreh

kyā hausla hai 'nāzim'-e-āshufta-navā kā

mohtaj nahin qafila aawaz-e-dara ka

sidhi hai rah-e-but-kada ehsan KHuda ka

gar hai sar-e-daryuza-e-faiz ahl-e-nazar se

ho rah-nashin marhala-e-faqr fana ka

KHush-nudi-e-mashuq hai ranjur hai aashiq

be-dard hai wo KHasta ki le nam dawa ka

is bagh ki nikhat ka hun mushtaq ki ho jae

jate hue dam band jahan baad-e-saba ka

koi nahin kahta ki ye kis ka hai karishma

ek shor hai isa ke dam-e-ruh-faza ka

jhaDen tere ushshaq use gard samajh kar

paD jae agar sar pe kabhi saya huma ka

tan fart-e-latafat se ho jab ruh-e-mujassam

kya zor chale kashmakash-e-band-e-qaba ka

kab kalbud-e-KHak mein ho itni nazakat

jo but hai wo putla hai magar naz-o-ada ka

yun qatl kare ghamza-e-dildar kahen kya

jauhar na kahen gar mizha ki tegh-e-qaza ka

kya dane ki KHwahish ki hai tasir ki jis se

hota hai guzar dam mein murghan-e-hawa ka

asrar haqiqat ka ho ashaar mein shaareh

kya hausla hai 'nazim'-e-ashufta-nawa ka