mohtat o hoshiyar to be-intiha hun main
mohtāt o hoshiyār to be-intihā huuñ maiñ
amdan tirā fareb-e-nazar khā gayā huuñ maiñ
kyā ye subūt kam nahīñ merī vafāoñ kā
maiñ aap kah rahā huuñ bahut bevafā huuñ maiñ
aise girā huuñ terī ḳhudā.ī ke sāmne
mahsūs ho rahā hai ḳhudā ho gayā huuñ maiñ
mere sukūt ko mirī āvāz mat samajh
is pairahan meñ tere sitam kī sadā huuñ maiñ
ye intihā hai mere adab kī ki ai 'adam'
us kā vajūd ho ke bhī us se judā huuñ maiñ
mohtat o hoshiyar to be-intiha hun main
amdan tera fareb-e-nazar kha gaya hun main
kya ye subut kam nahin meri wafaon ka
main aap kah raha hun bahut bewafa hun main
aise gira hun teri KHudai ke samne
mahsus ho raha hai KHuda ho gaya hun main
mere sukut ko meri aawaz mat samajh
is pairahan mein tere sitam ki sada hun main
ye intiha hai mere adab ki ki ai 'adam'
us ka wajud ho ke bhi us se juda hun main
- Book : Kulliyat-e-Adm (Pg. 483)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
