mubarakbaad phulon ke liye aur Khaar par lanat

mubārakbād phūloñ ke liye aur ḳhaar par la.anat

are maalī usūloñ par tire kirdār par la.anat

jo hāsil hai vahī kaafī hai bas mere guzāre ko

karūñ maiñ shukriya is paar kā us paar par la.anat

vo jis kī diid se āñkhoñ kī bīnā.ī chalī jaa.e

to us husn-e-sarāpā ke hai phir dīdār par la.anat

hamāre zahr ne dekho yahāñ manzar badal Daale

sapere ne kahā ajgar tirī phunkār par la.anat

hifāzat kar nahīñ saktā hai jo apne qabīle kī

koī kaise nahīñ bhejegā us sardār par la.anat

kisī mazlūm kī ḳhātir agar ye uTh nahīñ saktī

to hai phir zang-ālūd aap kī talvār par la.anat

na tū hī hai mire ghar meñ na hai tasvīr hī terī

bhalā kaise na bhejūñ phir dar-o-dīvār par la.anat

samajhdārī se apnī race jiitī ek kachhue ne

are ḳhargosh terī chaal par raftār par la.anat

agarche saal ke bāvan dinoñ us se bichhaḌnā hai

to phir har ik mahīne ke har ik itvār par la.anat

agar logoñ meñ nafrat bāñTanā hai shā.erī terī

to ai 'ujjval' tirī mahfil tire ash.ār par la.anat

mubarakbaad phulon ke liye aur KHar par lanat

are mali usulon par tere kirdar par lanat

jo hasil hai wahi kafi hai bas mere guzare ko

karun main shukriya is par ka us par par lanat

wo jis ki did se aankhon ki binai chali jae

to us husn-e-sarapa ke hai phir didar par lanat

hamare zahr ne dekho yahan manzar badal Dale

sapere ne kaha ajgar teri phunkar par lanat

hifazat kar nahin sakta hai jo apne qabile ki

koi kaise nahin bhejega us sardar par lanat

kisi mazlum ki KHatir agar ye uTh nahin sakti

to hai phir zang-alud aap ki talwar par lanat

na tu hi hai mere ghar mein na hai taswir hi teri

bhala kaise na bhejun phir dar-o-diwar par lanat

samajhdari se apni race jiti ek kachhue ne

are KHargosh teri chaal par raftar par lanat

agarche sal ke bawan dinon us se bichhaDna hai

to phir har ek mahine ke har ek itwar par lanat

agar logon mein nafrat banTana hai shaeri teri

to ai 'ujjwal' teri mahfil tere ashaar par lanat