muddaa-e-hayat bhul gae

mudda.ā-e-hayāt bhuul ga.e

yaad rakhne kī baat bhuul ga.e

be-ḳhudī ne dikhā.e vo aalam

hosh kī kā.enāt bhuul ga.e

is tarah mahv-e-husn-e-zāt hue

ki quyūd-e-sifāt bhuul ga.e

ho ke ham ḳhūgar-e-mazāq-e-sitam

lazzat-e-iltifāt bhuul ga.e

kaif-e-zauq-e-gunāh meñ 'farruḳh'

fikr-e-sa.ī-e-najāt bhuul ga.e

muddaa-e-hayat bhul gae

yaad rakhne ki baat bhul gae

be-KHudi ne dikhae wo aalam

hosh ki kaenat bhul gae

is tarah mahw-e-husn-e-zat hue

ki quyud-e-sifat bhul gae

ho ke hum KHugar-e-mazaq-e-sitam

lazzat-e-iltifat bhul gae

kaif-e-zauq-e-gunah mein 'farruKH'

fikr-e-sai-e-najat bhul gae