muddaa kuchh bhi ho lekin muddaa rakkha karo

mudda.ā kuchh bhī ho lekin mudda.ā rakkhā karo

jazba-e-ta.amīr se bhī vāsta rakkhā karo

zindagī ke rāste meñ haiñ hazāroñ Thokareñ

ābla-pā.ī salāmat jo sila rakkhā karo

mil hī jaate haiñ ye aksar zindagī kī moḌ par

ajnabī chehroñ se ḳhud ko āshnā rakkhā karo

dekhnā shola-bayānī bhī adā ban jā.egī

talḳhī-e-iz.hār meñ husn-e-adā rakkhā karo

mom se bhī dostī ho aur sho.aloñ se bhī pyaar

phir bhī un ke darmiyāñ kuchh fāsla rakkhā karo

ghup añdherā ho to phir miltī nahīñ rāh-e-najāt

zehn-o-dil kā raushnī se rābta rakkhā karo

tum ko jiinā hai 'asar' is inqilābī daur meñ

apnī fitrat meñ zarā fikr-e-rasā rakkhā karo

muddaa kuchh bhi ho lekin muddaa rakkha karo

jazba-e-tamir se bhi wasta rakkha karo

zindagi ke raste mein hain hazaron Thokaren

aabla-pai salamat jo sila rakkha karo

mil hi jate hain ye aksar zindagi ki moD par

ajnabi chehron se KHud ko aashna rakkha karo

dekhna shola-bayani bhi ada ban jaegi

talKHi-e-izhaar mein husn-e-ada rakkha karo

mom se bhi dosti ho aur shoalon se bhi pyar

phir bhi un ke darmiyan kuchh fasla rakkha karo

ghup andhera ho to phir milti nahin rah-e-najat

zehn-o-dil ka raushni se rabta rakkha karo

tum ko jina hai 'asar' is inqilabi daur mein

apni fitrat mein zara fikr-e-rasa rakkha karo