مدت ہوئی اب تک وہ میرا یار نہ آیا

مدت ہوئی اب تک وہ میرا یار نہ آیا

دل لے گیا پر دینے کو دیدار نہ آیا

کافر بھی ہوئے اس بت کافر کے لئے ہم

ڈالا ہے گلے عشق کا زنار نہ آیا

دیوانہ ہوں میں حال جنوں بے سر و ساماں

لو کر کے مجھے ہجر کا بیمار نہ آیا

ایمان دل و جان تلک کر دیا قرباں

پر مونس و ہمدم مرا غم خوار نہ آیا

اے باد صبا تو میرا احوال کر اظہار

افسوس کہ وہ محرم اسرار نہ آیا

مشتاق سدا ہم تو ہیں اس حسن ازل کے

وہ شوخ نظر ثانیٔ تلوار نہ آیا