muddat hui ab tak wo mera yar na aaya

muddat huī ab tak vo merā yaar na aaya

dil le gayā par dene ko dīdār na aaya

kāfir bhī hue us but-e-kāfir ke liye ham

Daalā hai gale ishq kā zunnār na aaya

dīvāna huuñ maiñ hāl-e-junūñ be-sar-o-sāmāñ

lo kar ke mujhe hijr kā bīmār na aaya

īmān dil-o-jān talak kar diyā qurbāñ

par monis-o-hamdam mirā ġham-ḳhvār na aaya

ai bād-e-sabā tū merā ahvāl kar iz.hār

afsos ki vo mahram-e-asrār na aaya

mushtāq sadā ham to haiñ us husn-e-azal ke

vo shoḳh-nazar sānī-e-talvār na aaya

muddat hui ab tak wo mera yar na aaya

dil le gaya par dene ko didar na aaya

kafir bhi hue us but-e-kafir ke liye hum

Dala hai gale ishq ka zunnar na aaya

diwana hun main haal-e-junun be-sar-o-saman

lo kar ke mujhe hijr ka bimar na aaya

iman dil-o-jaan talak kar diya qurban

par monis-o-hamdam mera gham-KHwar na aaya

ai baad-e-saba tu mera ahwal kar izhaar

afsos ki wo mahram-e-asrar na aaya

mushtaq sada hum to hain us husn-e-azal ke

wo shoKH-nazar sani-e-talwar na aaya