مدت سے آرزو ہے دل بے قرار میں

مدت سے آرزو ہے دل بے قرار میں

کچھ تو کمی ہو تلخی لیل و نہار میں

کیا جانے کیسے ہو گیا کیونکر یہ ہو گیا

رونق رہی نہ پہلی سی فصل بہار میں

تکمیل شوق میں نہ کبھی مل سکی وہ شے

جو تھی قدم قدم تپش انتظار میں

آب رواں کی پہنچیں یہاں تک کثافتیں

گھٹنے لگا ہے ماہی کا دم جوئے بار میں

دنیا کی تلخیوں نے اسے بھی مٹا دیا

ملتا تھا بانکپن جو کبھی نگہ یار میں

عشرت ملے ہر ایک کو تو کوئی بات ہے

یہ کیا کہ بٹ رہے وہ فقط دو ہی چار میں