muddat se uske shahr se guzra nahin hun main

muddat se us ke shahr se guzrā nahīñ huuñ maiñ

par zehn-o-dil se aaj bhī niklā nahīñ huuñ maiñ

terī har ek saañs ko apnī banā liyā

aur tū ye kah rahā hai ki terā nahīñ huuñ maiñ

bas ik zarā sī baat pe bad-nām kar diyā

sab ko batā rahā hai ki achchhā nahīñ huuñ maiñ

maiñ dūsroñ ko Dhāltā huuñ apne rang meñ

hargiz kisī ke rang meñ Dhaltā nahīñ huuñ maiñ

duniyā samajhtī mujh ko ḳhirad-mand is liye

ki guftugū fuzūl kī kartā nahīñ huuñ maiñ

qismat ne mujh ko zero se hero banā diyā

huuñ aaj bhī maiñ vaisā hī badlā nahīñ huuñ maiñ

'anvar' shabāb us kā ki koī gulāb hai

afsos ye hai mujh ko ki bhañvrā nahīñ huuñ maiñ

muddat se us ke shahr se guzra nahin hun main

par zehn-o-dil se aaj bhi nikla nahin hun main

teri har ek sans ko apni bana liya

aur tu ye kah raha hai ki tera nahin hun main

bas ek zara si baat pe bad-nam kar diya

sab ko bata raha hai ki achchha nahin hun main

main dusron ko Dhaalta hun apne rang mein

hargiz kisi ke rang mein Dhalta nahin hun main

duniya samajhti mujh ko KHirad-mand is liye

ki guftugu fuzul ki karta nahin hun main

qismat ne mujh ko zero se hero bana diya

hun aaj bhi main waisa hi badla nahin hun main

'anwar' shabab us ka ki koi gulab hai

afsos ye hai mujh ko ki bhanwra nahin hun main