muddaten ho gai hain chup rahte

muddateñ ho ga.ī haiñ chup rahte

koī suntā to ham bhī kuchh kahte

jal gayā ḳhushk ho ke dāman-e-dil

ashk āñkhoñ se aur kyā bahte

baat kī aur muñh ko aayā jigar

is se behtar yahī thā chup rahte

ham ko jaldī ne maut kī maarā

aur jiite to aur ġham sahte

sab hī sunte tumhārī ai 'mahshar'

koī kahne kī baat agar kahte

muddaten ho gai hain chup rahte

koi sunta to hum bhi kuchh kahte

jal gaya KHushk ho ke daman-e-dil

ashk aankhon se aur kya bahte

baat ki aur munh ko aaya jigar

is se behtar yahi tha chup rahte

hum ko jaldi ne maut ki mara

aur jite to aur gham sahte

sab hi sunte tumhaari ai 'mahshar'

koi kahne ki baat agar kahte