muflis ko samajh aaenge aazar namak ke

muflis ko samajh ā.eñge āzār namak ke

paanī kī kahānī meñ haiñ kirdār namak ke

ḳheme ke charāġhoñ ko bujhāne se khulegā

hubdār-e-vafā ho yā ki hubdār namak ke

saa.e kī tarah rahte haiñ ḳhush-hālī meñ lekin

bārish meñ bikhar jaate haiñ sab yaar namak ke

ye shaam kī bastī hai yahāñ sar haiñ sināñ par

milte hī nahīñ ḳhuun meñ āsār namak ke

ik shahr-e-mohabbat kī sajāvaT kī ġharaz se

ashkoñ se churā.e ga.e mīnār namak ke

raftār-e-zamāna ne batāyā ye sabab hai

naav ko Dubo dete haiñ ġhaddār namak ke

guftār ke nashtar se kuredo na zubūñ ko

ye zaḳhm-e-junūñ haiñ nahīñ haqdār namak ke

thoḌī sī namī ho to pighal jaate haiñ 'zamzam'

darpesh haiñ maḳhlūq ko sardār namak ke

muflis ko samajh aaenge aazar namak ke

pani ki kahani mein hain kirdar namak ke

KHeme ke charaghon ko bujhane se khulega

hubdar-e-wafa ho ya ki hubdar namak ke

sae ki tarah rahte hain KHush-haali mein lekin

barish mein bikhar jate hain sab yar namak ke

ye sham ki basti hai yahan sar hain sinan par

milte hi nahin KHun mein aasar namak ke

ek shahr-e-mohabbat ki sajawaT ki gharaz se

ashkon se churae gae minar namak ke

raftar-e-zamana ne bataya ye sabab hai

naw ko Dubo dete hain ghaddar namak ke

guftar ke nashtar se kuredo na zubun ko

ye zaKHm-e-junun hain nahin haqdar namak ke

thoDi si nami ho to pighal jate hain 'zamzam'

darpesh hain maKHluq ko sardar namak ke