mughanniyon ko bulao ki nind aa jae

Mahshar Inayati

mughanniyon ko bulao ki nind aa jae

Mahshar Inayati

MORE BY Mahshar Inayati

    muġhanniyoñ ko bulāo ki niiñd aa jaa.e

    kaho vo giit sunāo ki niiñd aa jaa.e

    chale bhī aao mire jīte-jī ab itnā bhī

    na intizār baḌhāo ki niiñd aa jaa.e

    charāġh-e-umr-e-guzashta bujhā diyā kis ne

    vahī charāġh jalāo ki niiñd aa jaa.e

    haqīqatoñ ne to khul khul ke niiñd uḌā hai

    na.e tilism banāo ki niiñd aa jaa.e

    sukūñ-nasībo idhar aao aur koī tadbīr

    zarā hameñ bhī batāo ki niiñd aa jaa.e

    baḌī tavīl hai 'mahshar' kisī ke hijr baat

    koī ġhazal sunāo ki niiñd aa jaa.e

    mughanniyon ko bulao ki nind aa jae

    kaho wo git sunao ki nind aa jae

    chale bhi aao mere jite-ji ab itna bhi

    na intizar baDhao ki nind aa jae

    charagh-e-umr-e-guzashta bujha diya kis ne

    wahi charagh jalao ki nind aa jae

    haqiqaton ne to khul khul ke nind uDa di hai

    nae tilism banao ki nind aa jae

    sukun-nasibo idhar aao aur koi tadbir

    zara hamein bhi batao ki nind aa jae

    baDi tawil hai 'mahshar' kisi ke hijr ki baat

    koi ghazal hi sunao ki nind aa jae

    Source:

    • Book : Sahbaa-o-Saman (Pg. 60)
    • Edition : 1st 1979 IInd 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY