mujhko har lamha nai ek kahani dega

mujh ko har lamha na.ī ek kahānī degā

har kahānī meñ tirā rañg dikhā.ī degā

kal jo ik lafz na suntā thā safā.ī meñ mirī

aaj vo shaḳhs mire haq meñ gavāhī degā

jis ne qaa.em kiyā ye rishta qalam se merā

ab kahāñ vo mujhe duniyā meñ dikhā.ī degā

vaqt-e-āḳhir na mulāqāt mirī us se huī

har ġhazal meñ mirī ye nauha sunā.ī degā

ek misre kī tarah vo to akelā hī rahā

jab bhī dekhoge akelā hī dikhā.ī degā

kyuuñ havā tez chalī niiñd se vo jaag paḌā

ḳhvāb TuuTā hai to ilzām mujhe hī degā

mujh ko har lamha nai ek kahani dega

har kahani mein tera rang dikhai dega

kal jo ek lafz na sunta tha safai mein meri

aaj wo shaKHs mere haq mein gawahi dega

jis ne qaem kiya ye rishta qalam se mera

ab kahan wo mujhe duniya mein dikhai dega

waqt-e-aKHir na mulaqat meri us se hui

har ghazal mein meri ye nauha sunai dega

ek misre ki tarah wo to akela hi raha

jab bhi dekhoge akela hi dikhai dega

kyun hawa tez chali nind se wo jag paDa

KHwab TuTa hai to ilzam mujhe hi dega