mujhko jaana hai zara ham-safaron se aage

mujh ko jaanā hai zarā ham-safaroñ se aage

un kī āñkhoñ se pare apne paroñ se aage

ham jo ye jaan bachāne kā hunar jānte haiñ

kuchh rah-o-rasm thī bedād-garoñ se aage

tum ko ai ḳhīra-saro ham pe fazīlat kyā hai

bas vahī turra-e-dastār saroñ se aage

vahīñ rah jaate haiñ sab had se guzarne vaale

chaltī rahtī hai zamīñ be-ḳhabaroñ se aage

'umr bhar basra-o-baġhdād basāte rahe log

aur dekhā to vahī dasht gharoñ se aage

dard ke faiz se dil ‘aish-e-do-‘ālam se ġhanī

'ishq ke raaj meñ ham tājvaroñ se aage

mujh ko jaana hai zara ham-safaron se aage

un ki aankhon se pare apne paron se aage

hum jo ye jaan bachane ka hunar jaante hain

kuchh rah-o-rasm thi bedad-garon se aage

tum ko ai KHira-saro hum pe fazilat kya hai

bas wahi turra-e-dastar saron se aage

wahin rah jate hain sab had se guzarne wale

chalti rahti hai zamin be-KHabaron se aage

'umr bhar basra-o-baghdad basate rahe log

aur dekha to wahi dasht gharon se aage

dard ke faiz se dil ‘aish-e-do-‘alam se ghani

'ishq ke raj mein hum tajwaron se aage