mujhko malum tha main aur sanwar jaunga

mujh ko ma.alūm thā maiñ aur sañvar jā.ūñgā

ghar se niklūñgā to har samt bikhar jā.ūñgā

raaz maujoñ ke samundar ne batā.e haiñ mujhe

yahāñ Dūbūñgā kahīñ aur ubhar jā.ūñgā

abhī sustā.ūñgā kuchh der isī dorāhe par

ba.ad meñ sochūñgā dekhūñgā kidhar jā.ūñgā

maiñ to barzaḳh ke añdheroñ meñ jalā.ūñgā charāġh

maiñ nahīñ vo ki jo maut aa.ī to mar jā.ūñgā

zindagī yuuñ tujhe rahne nahīñ dūñgā be-rañg

terī tasvīr meñ kuchh rañg to bhar jā.ūñgā

maiñ huuñ dariyā hai ravānī mirī daa.im 'betāb'

koī sailāb nahīñ huuñ ki utar jā.ūñgā

mujh ko malum tha main aur sanwar jaunga

ghar se niklunga to har samt bikhar jaunga

raaz maujon ke samundar ne batae hain mujhe

yahan Dubunga kahin aur ubhar jaunga

abhi sustaunga kuchh der isi dorahe par

baad mein sochunga dekhunga kidhar jaunga

main to barzaKH ke andheron mein jalaunga charagh

main nahin wo ki jo maut aai to mar jaunga

zindagi yun tujhe rahne nahin dunga be-rang

teri taswir mein kuchh rang to bhar jaunga

main hun dariya hai rawani meri daim 'betab'

koi sailab nahin hun ki utar jaunga