mujhko manzur hai marne pe subuk-bari ho

mujh ko manzūr hai marne pe subuk-bārī ho

aur ahbāb ko hai fikr kafan bhārī ho

zindagī meñ na milā zaḳhm-e-jigar ko marham

ḳhair chādar hī mirī qabr kī zangārī ho

yaad hai roz-e-azal dil jo garāñ hai kyā ġham

maiñ ne ḳhud kah ke liyā thā ki zarā bhārī ho

ātish-e-husn javānān-e-chaman bhaḌkā de

jo gul-e-surḳh kī pattī ho vo chingārī ho

terī rahmat ke sahāre pe ginā kartā huuñ

tark kar duuñ agar is meñ bhī gunāh-gārī ho

mujh siyahkār kī hai mohr to uThtī nahīñ mehr

mere allāh na itnī bhī girāñ-bārī ho

āj-kal paas hai phir naqd-e-dil-e-zār 'rashīd'

phir kisī ġhairat-e-yūsuf kī ḳharīdārī ho

mujh ko manzur hai marne pe subuk-bari ho

aur ahbab ko hai fikr kafan bhaari ho

zindagi mein na mila zaKHm-e-jigar ko marham

KHair chadar hi meri qabr ki zangari ho

yaad hai roz-e-azal dil jo garan hai kya gham

main ne KHud kah ke liya tha ki zara bhaari ho

aatish-e-husn jawanan-e-chaman bhaDka de

jo gul-e-surKH ki patti ho wo chingari ho

teri rahmat ke sahaare pe gina karta hun

tark kar dun agar is mein bhi gunah-gari ho

mujh siyahkar ki hai mohr to uThti nahin mehr

mere allah na itni bhi giran-bari ho

aaj-kal pas hai phir naqd-e-dil-e-zar 'rashid'

phir kisi ghairat-e-yusuf ki KHaridari ho