mujhko masnad pe qalamdan baKHsha

mujh ko masnad pe qalamdāñ baḳhshā

sher-e-qālīñ ko niyastāñ baḳhshā

pīr-e-kan.āñ ko diyā dāġh-e-firāq

ek zan ko mah-e-kan.āñ baḳhshā

maraz-e-ishq meñ maut aatī hai

tū ne har dard ko darmāñ baḳhshā

qābil-e-dīd hai husn-e-hikmat

huur ko rauza-e-rizvāñ baḳhshā

qatra bhī vus.at-e-rahmat se hai bahr

chashm ko nuuh kā tūfāñ baḳhshā

dil-e-nālāñ ko diye dāġh-e-firāq

ek bulbul ko gulistāñ baḳhshā

dil-e-be-rahm diyā zālim ko

jis tarah tiir ko paikāñ baḳhshā

gul ko pur-zar jo garebāñ baḳhshā

ḳhaar ko dasht kā dāmāñ baḳhshā

rahm aayā jo gunahgāroñ par

gunah-e-gabr-o-musalmāñ baḳhshā

aa gayā kuchh jo karīmī kā ḳhayāl

huur ko mulk-e-sulaimāñ baḳhshā

terī tadbīr hai ain-e-taqdīr

maut ko ālam-e-imkāñ baḳhshā

surḳh-rū ahl-e-karam ko rakkhā

bahr ko panja-e-marjāñ baḳhshā

lab kī jā bosa-e-ruḳhsār diyā

evaz-e-la.al badaḳhshāñ baḳhshā

mus.haf-e-ruḳh kā jo dekhā koī sher

rūh-e-'hāfiz' ko bhī qur.āñ baḳhshā

us se huuñ tālib-e-īmāñ ai 'arsh'

jis ne kāfir ko bhī īmāñ baḳhshā

mujh ko masnad pe qalamdan baKHsha

sher-e-qalin ko niyastan baKHsha

pir-e-kanan ko diya dagh-e-firaq

ek zan ko mah-e-kanan baKHsha

maraz-e-ishq mein maut aati hai

tu ne har dard ko darman baKHsha

qabil-e-did hai husn-e-hikmat

hur ko rauza-e-rizwan baKHsha

qatra bhi wusat-e-rahmat se hai bahr

chashm ko nuh ka tufan baKHsha

dil-e-nalan ko diye dagh-e-firaq

ek bulbul ko gulistan baKHsha

dil-e-be-rahm diya zalim ko

jis tarah tir ko paikan baKHsha

gul ko pur-zar jo gareban baKHsha

KHar ko dasht ka daman baKHsha

rahm aaya jo gunahgaron par

gunah-e-gabr-o-musalman baKHsha

aa gaya kuchh jo karimi ka KHayal

hur ko mulk-e-sulaiman baKHsha

teri tadbir hai ain-e-taqdir

maut ko aalam-e-imkan baKHsha

surKH-ru ahl-e-karam ko rakkha

bahr ko panja-e-marjaan baKHsha

lab ki ja bosa-e-ruKHsar diya

ewaz-e-lal badaKHshan baKHsha

mushaf-e-ruKH ka jo dekha koi sher

ruh-e-'hafiz' ko bhi quran baKHsha

us se hun talib-e-iman ai 'arsh'

jis ne kafir ko bhi iman baKHsha