mujhko na jaanta meri danai jaanta

mujh ko na jāntā mirī dānā.ī jāntā

koī to merī baat kī gahrā.ī jāntā

ḳhud ko sameT laatā baḌe ehtiyāt se

gar maiñ mire ḳhayāl kī yakjā.ī jāntā

ab tak jo mere saath huā sab burā huā

varna mujhe yaqīñ hai maiñ achchhā.ī jāntā

be-sabr ho ke koī kahīñ mar gayā to Thiik

varna yahāñ pe kaun shakebā.ī jāntā

tere visāl meñ huā ye tajraba bhī faash

kaise vagarna maiñ kabhī tanhā.ī jāntā

har shaḳhs ne hī kar liyā goyā.ī par yaqīn

koī to merī aañkh kī sachchā.ī jāntā

mujh ko na jaanta meri danai jaanta

koi to meri baat ki gahrai jaanta

KHud ko sameT lata baDe ehtiyat se

gar main mere KHayal ki yakjai jaanta

ab tak jo mere sath hua sab bura hua

warna mujhe yaqin hai main achchhai jaanta

be-sabr ho ke koi kahin mar gaya to Thik

warna yahan pe kaun shakebai jaanta

tere visal mein hua ye tajraba bhi fash

kaise wagarna main kabhi tanhai jaanta

har shaKHs ne hi kar liya goyai par yaqin

koi to meri aankh ki sachchai jaanta