mujhko saqi ne jo ruKHsat kiya mai-KHane se

mujh ko saaqī ne jo ruḳhsat kiyā mai-ḳhāne se

ḳhud mai-e-nāb chhalakne lagī paimāne se

dekh kar hālat-e-dil un ko taras aa hī gayā

vo bhī ghabrā se ga.e mere taḌap jaane se

dete haiñ ta.anā-e-asnām-parastī mujh ko

sajda karte hue jo nikle haiñ mai-ḳhāne se

aap ke jaate hī ābād huī bazm-e-ḳhayāl

ban ga.ī aur bhī taqdīr bigaḌ jaane se

mohtasib ab tujhe tauba kā yaqīñ ho ki na ho

ham to Takrā chuke paimāne ko paimāne se

apnā ham-maslak o hamrāz kise kahiye 'shakīl'

nazar us bazm meñ sab aate haiñ begāne se

mujh ko saqi ne jo ruKHsat kiya mai-KHane se

KHud mai-e-nab chhalakne lagi paimane se

dekh kar haalat-e-dil un ko taras aa hi gaya

wo bhi ghabra se gae mere taDap jaane se

dete hain tana-e-asnam-parasti mujh ko

sajda karte hue jo nikle hain mai-KHane se

aap ke jate hi aabaad hui bazm-e-KHayal

ban gai aur bhi taqdir bigaD jaane se

mohtasib ab tujhe tauba ka yaqin ho ki na ho

hum to Takra chuke paimane ko paimane se

apna ham-maslak o hamraaz kise kahiye 'shakil'

nazar us bazm mein sab aate hain begane se