mujhko shahi nahin taufiq-e-faqirana de

mujh ko shāhī nahīñ taufīq-e-faqīrāna de

rakh mujhe bazm meñ chāhe mujhe vīrāna de

bhar de bharnā hai agar ishq kā saudā sar meñ

mujh ko denā hai agar jur.at-e-rindāna de

āḳhirash had bhī hai īsār kī koī ki nahīñ

sham.a par jaan kahāñ tak koī parvāna de

maiñ haqīqat kī taheñ khol ke rakh saktā huuñ

mujh ko tartīb to dene koī afsāna de

ye na uTTheñge kabhī sat.h se apnī uupar

in ḳhirad vāloñ ko shah kitnī bhī dīvāna de

adl-o-insāf ravā taaki dobāra ho jaa.eñ

faisla karne na munsif ko bhī man-mānā de

tū jo chāhe to badal jaa.e jahāñ kī tasvīr

inhīñ shāhoñ ko jo ehsās-e-faqīhāna de

kis ko apnā kaheñ aur ġhair kaheñ kis ko 'nihāl'

de na apnā koī kuchh aur na begāna de

mujh ko shahi nahin taufiq-e-faqirana de

rakh mujhe bazm mein chahe mujhe virana de

bhar de bharna hai agar ishq ka sauda sar mein

mujh ko dena hai agar jurat-e-rindana de

aaKHirash had bhi hai isar ki koi ki nahin

shama par jaan kahan tak koi parwana de

main haqiqat ki tahen khol ke rakh sakta hun

mujh ko tartib to dene koi afsana de

ye na uTThenge kabhi sath se apni upar

in KHirad walon ko shah kitni bhi diwana de

adl-o-insaf rawa taki dobara ho jaen

faisla karne na munsif ko bhi man-mana de

tu jo chahe to badal jae jahan ki taswir

inhin shahon ko jo ehsas-e-faqihana de

kis ko apna kahen aur ghair kahen kis ko 'nihaal'

de na apna koi kuchh aur na begana de