مجھ کو تنہا جو پا رہی ہے رات
مجھ کو تنہا جو پا رہی ہے رات
خوف سے سہمی جا رہی ہے رات
کس کی یادوں کی چاندنی چٹکی
کس لیے جگمگا رہی ہے رات
کون یاد آ گیا ہے پچھلے پہر
جاتے جاتے پھر آ رہی ہے رات
ہر طرف ہے سکوت غم طاری
داستاں کیا سنا رہی ہے رات
غمزدہ دل ہے اور بھی غمگیں
گیت کیا گنگنا رہی ہے رات
دل کے صحرا میں زخم کھلتے ہیں
درد کیسا جگا رہی ہے رات
کتنے سنسان راستے ہیں متینؔ
کتنی چپ چاپ جا رہی ہے رات
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
