mujhko taqdir ne yun be-sar-o-asar kiya

mujh ko taqdīr ne yuuñ be-sar-o-āsār kiyā

ek darvāza duā kā thā so dīvār kiyā

ḳhvāb-e-ā.inda tire lams ne sarshār kiyā

ḳhushk bādal the hameñ tū ne guhar-bār kiyā

dekhne kī thī nigāhoñ meñ anā kī sūrat

us giraftār ne jab mujh ko giraftār kiyā

muddatoñ ghaav kiye jis ke badan par ham ne

vaqt aayā to usī ḳhvāb ko talvār kiyā

merī chāhat ne ajab rañg dikhāyā mujh ko

kashmakash se mirī āñkhoñ ko girāñ-bār kiyā

ik masīhā ko mirā chashm-numā Thahrāyā

ek qātil ko mirā ā.īna-bardār kiyā

kaaT kar pheñk dī sansār kī kūcheñ ham ne

sabr ko phuul kiyā phuul ko talvār kiyā

mujh ko taqdir ne yun be-sar-o-asar kiya

ek darwaza dua ka tha so diwar kiya

KHwab-e-ainda tere lams ne sarshaar kiya

KHushk baadal the hamein tu ne guhar-bar kiya

dekhne ki thi nigahon mein ana ki surat

us giraftar ne jab mujh ko giraftar kiya

muddaton ghaw kiye jis ke badan par hum ne

waqt aaya to usi KHwab ko talwar kiya

meri chahat ne ajab rang dikhaya mujh ko

kashmakash se meri aankhon ko giran-bar kiya

ek masiha ko mera chashm-numa Thahraya

ek qatil ko mera aaina-bardar kiya

kaT kar phenk di sansar ki kuchen hum ne

sabr ko phul kiya phul ko talwar kiya