mujhko us raste par chalna hota hai

mujh ko us raste par chalnā hotā hai

jis pe añdherā ḳhuub añdherā hotā hai

saath raheñge kah kar hausla dete haiñ

āḳhir un ko bhī ghar jaanā hotā hai

jab aatā hai hosh hameñ kyā karnā hai

haath meñ umr kā aadhā hissa hotā hai

begam shauhar ujḌe ujḌe lagte haiñ

āḳhir kis ne kis ko luuTā hotā hai

dil puna se mumbai tak bhī jaa.e to

raste meñ dillī kalkatta hotā hai

varzish kartā achchhā khātā piitā hai

vo bhī ik din marne vaalā hotā hai

marne ko huuñ raazī mere marne par

dekhūñ kis kā ullū sīdhā hotā hai

jhuuT se apnī jaan bachā paatā lekin

dīvāna āḳhir dīvāna hotā hai

avval avval kā sīdhā-sāda rishta

āḳhir āḳhir meñ pechīda hotā hai

ek ḳhudā hai ek ḳhudā bas ek ḳhudā

ya.anī vo bhī tanhā tanhā hotā hai

mujh ko us raste par chalna hota hai

jis pe andhera KHub andhera hota hai

sath rahenge kah kar hausla dete hain

aaKHir un ko bhi ghar jaana hota hai

jab aata hai hosh hamein kya karna hai

hath mein umr ka aadha hissa hota hai

begam shauhar ujDe ujDe lagte hain

aaKHir kis ne kis ko luTa hota hai

dil puna se mumbai tak bhi jae to

raste mein dilli kalkatta hota hai

warzish karta achchha khata pita hai

wo bhi ek din marne wala hota hai

marne ko hun raazi mere marne par

dekhun kis ka ullu sidha hota hai

jhuT se apni jaan bacha pata lekin

diwana aaKHir diwana hota hai

awwal awwal ka sidha-sada rishta

aaKHir aaKHir mein pechida hota hai

ek KHuda hai ek KHuda bas ek KHuda

yani wo bhi tanha tanha hota hai