مجھ کو ویرانی کے عالم میں نہتا چھوڑ دے

مجھ کو ویرانی کے عالم میں نہتا چھوڑ دے

کیا لگا رکھا ہے تو نے یہ تماشا چھوڑ دے

اس سفر میں مجھ کو ایسا ہی ملا ہے ہم سفر

جو سبق تو یاد رکھے پر خلاصہ چھوڑ دے

دل سے میں تجھ کو نکالوں کس طرح سے دوستا

کیا یہ ممکن ہے کبھی کہ قیس صحرا چھوڑ دے

ختم ہیں سارے تعلق ختم رسم و راہ بھی

میرا کیا ہے اب بھلے وہ ساری دنیا چھوڑ دے

موت پر اس کی نہ آنکھیں کس لئے ہوں زار زار

جو جوانی کے حسیں عالم میں دنیا چھوڑ دے