mujhko ye kya ho jata hai ghar ka tasawwur aate hi

mujh ko ye kyā ho jaatā hai ghar kā tasavvur aate hī

jaise ghar suunā suunā lagtā hai kisī ke jaate hī

apne jo qisse auroñ se sun sun kar ḳhush hote the

ham the apnī nazar meñ jhūTe ḳhud un ke dohrāte hī

vo jo bahut bharpūr the ḳhud meñ vo kyuuñ saath meñ chīḳh uThe

ham to ḳhud se ḳhaufzada the ham to shor machāte hī

saath tirā hāsil na rahā kab ham ko yaad nahīñ paḌtā

ya.anī rishta koī baaqī hai milne aa us naate hī

dhyān kise thā tere jī meñ aa.ī hai dard baTāne kī

varna saath tire kahne par ham kuchh duur to jaate hī

aaj jo tujh se baat huī to jaise ham vo haiñ hī nahīñ

itnā arsa biit gayā kyā tujh tak aate aate hī

tū ne kahā bhī ho jo kabhī kuchh tujh ko kyā ma.alūm ki maiñ

kitnā ḳhālī ho jaatā huuñ tujh ko dhyān meñ laate hī

shāyad koī ek hī aayā shāyad koī na aayā thā

ham na jo tum ko dekh sake the tum ko nazar to aate hī

bāhar andar talḳh añdherā kis ko DhūñDne nikle ho

jot jalā aate chaukhaT par kuchh to Dhāras paate hī

mujh ko ye kya ho jata hai ghar ka tasawwur aate hi

jaise ghar suna suna lagta hai kisi ke jate hi

apne jo qisse auron se sun sun kar KHush hote the

hum the apni nazar mein jhuTe KHud un ke dohraate hi

wo jo bahut bharpur the KHud mein wo kyun sath mein chiKH uThe

hum to KHud se KHaufzada the hum to shor machate hi

sath tera hasil na raha kab hum ko yaad nahin paDta

yani rishta koi baqi hai milne aa us nate hi

dhyan kise tha tere ji mein aai hai dard baTane ki

warna sath tere kahne par hum kuchh dur to jate hi

aaj jo tujh se baat hui to jaise hum wo hain hi nahin

itna arsa bit gaya kya tujh tak aate aate hi

tu ne kaha bhi ho jo kabhi kuchh tujh ko kya malum ki main

kitna KHali ho jata hun tujh ko dhyan mein late hi

shayad koi ek hi aaya shayad koi na aaya tha

hum na jo tum ko dekh sake the tum ko nazar to aate hi

bahar andar talKH andhera kis ko DhunDne nikle ho

jot jala aate chaukhaT par kuchh to Dhaaras pate hi