mujh mast ko mai ki bu bahut hai

mujh mast ko mai kī bū bahut hai

dīvāne ko ek hū bahut hai

motī kī tarah jo ho ḳhudā-dād

thoḌī sī bhī aabrū bahut hai

jaate haiñ jo sabr-o-hosh jaa.eñ

mujh ko ai dard tū bahut hai

mānind-e-kalīm baḌh na ai dil

ye dard kī guftugū bahut hai

be-kaif ho mai to ḳhum ke ḳhum kyā

achchhī ho to ik subū bahut hai

kyā vasl kī shab meñ mushkileñ haiñ

fursat kam aarzū bahut hai

manzūr hai ḳhūn-e-dil jo ai yaas

apne liye aarzū bahut hai

ai nashtar-e-ġham ho laakh tan-e-ḳhushk

tere dam ko lahū bahut hai

chheḌe vo mizha to kyuuñ maiñ ro.uuñ

āñkhoñ meñ ḳhalish ko mū bahut hai

ġhunche kī tarah chaman meñ saaqī

apnā hī mujhe subū bahut hai

kyā ġham hai 'amīr' agar nahīñ maal

is vaqt meñ aabrū bahut hai

mujh mast ko mai ki bu bahut hai

diwane ko ek hu bahut hai

moti ki tarah jo ho KHuda-dad

thoDi si bhi aabru bahut hai

jate hain jo sabr-o-hosh jaen

mujh ko ai dard tu bahut hai

manind-e-kalim baDh na ai dil

ye dard ki guftugu bahut hai

be-kaif ho mai to KHum ke KHum kya

achchhi ho to ek subu bahut hai

kya wasl ki shab mein mushkilen hain

fursat kam aarzu bahut hai

manzur hai KHun-e-dil jo ai yas

apne liye aarzu bahut hai

ai nashtar-e-gham ho lakh tan-e-KHushk

tere dam ko lahu bahut hai

chheDe wo mizha to kyun main roun

aankhon mein KHalish ko mu bahut hai

ghunche ki tarah chaman mein saqi

apna hi mujhe subu bahut hai

kya gham hai 'amir' agar nahin mal

is waqt mein aabru bahut hai