mujh mein asar-e-jalwa-e-mastana hai us ka

mujh meñ asar-e-jalva-e-mastāna hai us kā

itnā to kaheñge koī dīvāna hai us kā

kyā shaan baḌhī hai sadaf-e-kaun-o-makāñ kī

nūr-e-madanī gauhar-e-yak-dāna hai us kā

us sham.a-e-tajallī pe jhukī jaatī haiñ āñkheñ

nazzāra jise kahte haiñ parvāna hai us kā

ham shor-e-qayāmat kī haqīqat se haiñ vāqif

jo niiñd uḌātā hai vo afsāna hai us kā

aaya hai idhar biich meñ nairang-e-tamāshā

dekho to udhar ka.aba o but-ḳhāna hai us kā

haañ rang-e-parīda ko yahāñ kahte haiñ sahbā

jo dil ki shikasta hai vo paimāna hai us kā

saaqī hai jahāñ maut vo hai bazm-e-mohabbat

khīñchtī hai jahāñ ruuh vo mai-ḳhāna hai us kā

mujh mein asar-e-jalwa-e-mastana hai us ka

itna to kahenge koi diwana hai us ka

kya shan baDhi hai sadaf-e-kaun-o-makan ki

nur-e-madani gauhar-e-yak-dana hai us ka

us shama-e-tajalli pe jhuki jati hain aankhen

nazzara jise kahte hain parwana hai us ka

hum shor-e-qayamat ki haqiqat se hain waqif

jo nind uData hai wo afsana hai us ka

aaya hai idhar bich mein nairang-e-tamasha

dekho to udhar kaba o but-KHana hai us ka

han rang-e-parida ko yahan kahte hain sahba

jo dil ki shikasta hai wo paimana hai us ka

saqi hai jahan maut wo hai bazm-e-mohabbat

khinchti hai jahan ruh wo mai-KHana hai us ka