mujh mein basne wale shaKHs ne mujh mein rahna chhoD diya

mujh meñ basne vaale shaḳhs ne mujh meñ rahnā chhoḌ diyā

us ne merī baat na maanī maiñ ne kahnā chhoḌ diyā

tum jaise marzī socho par log to sab kuchh jānte haiñ

kis ne kitnā saath nibhāyā kis ne kitnā chhoḌ diyā

is tārīkī meñ ab aur kisī par kyā ilzām dharūñ

mujh ko jab mere apne saa.e ne tanhā chhoḌ diyā

duniyā bhar kā mere aage ġham maujūd thā phir maiñ ne

achchhā achchhā dil meñ rakkhā aisā vaisā chhoḌ diyā

paanī dene vaalā jab kuchh roz meñ us ko bhuul gayā

āḳhir ik din paude ne gamle meñ rahnā chhoḌ diyā

mujh mein basne wale shaKHs ne mujh mein rahna chhoD diya

us ne meri baat na mani main ne kahna chhoD diya

tum jaise marzi socho par log to sab kuchh jaante hain

kis ne kitna sath nibhaya kis ne kitna chhoD diya

is tariki mein ab aur kisi par kya ilzam dharun

mujh ko jab mere apne sae ne tanha chhoD diya

duniya bhar ka mere aage gham maujud tha phir main ne

achchha achchha dil mein rakkha aisa waisa chhoD diya

pani dene wala jab kuchh roz mein us ko bhul gaya

aaKHir ek din paude ne gamle mein rahna chhoD diya