mujh pe ilzam lagate kyon ho

mujh pe ilzām lagāte kyoñ ho

baat pe baat banāte kyoñ ho

zaḳhm pichhle na bhare ab tak phir

ik na.ī choT lagāte kyoñ ho

merī har baat dabā kar bolo

sirf apnī hī chalāte kyoñ ho

machhliyoñ par bhī taras khaao kuchh

aag paanī meñ lagāte kyoñ ho

sur ke māthe pe pasīna aayā

be-surā saaz bajāte kyoñ ho

bach ke tūfāñ se chale aa.e haiñ

lā ke sāhil pe Dubāte kyoñ ho

nafratoñ ke ye liye tāj-mahal

jhuuT ke ashk bahāte kyoñ ho

mujh pe ilzam lagate kyon ho

baat pe baat banate kyon ho

zaKHm pichhle na bhare ab tak phir

ek nai choT lagate kyon ho

meri har baat daba kar bolo

sirf apni hi chalate kyon ho

machhliyon par bhi taras khao kuchh

aag pani mein lagate kyon ho

sur ke mathe pe pasina aaya

be-sura saz bajate kyon ho

bach ke tufan se chale aae hain

la ke sahil pe Dubaate kyon ho

nafraton ke ye liye taj-mahal

jhuT ke ashk bahate kyon ho